Eplemost frå Grønvik er 100% naturleg – og full av smak

Eplemost frå Grønvik er laga av meir enn berre gode råvarer. Dei er òg eit resultat av erfaring og kunnskap ført gjennom fleire generasjonar. Me er derfor stolte av å ha ei oppskrift på vår eplemost som ikkje kan kjøpast, men som det tvert imot krevst fleire tiår med lojalitet, arbeid og lidenskap for å kunne skapa.

Dei første epletrea våre vart planta av ein husmann på 1800-talet. Sidan byrjinga på 1900-talet har fruktdyrkinga vart satt i system av oldefaren til me som i dag dyrkar fram frukt på Grønvik Gard.

Resultatet av våre tradisjonar i Ryfylke-vika finn ein til sals i form av ein heil rekkje forskjellige smakar i menyen under. Her er du fri til å velja den som måtte passa din smak best.

EPLEMOST sorter

Graven­stein

Sidan denne eplesorten fyrst kryssa landegrensa frå Danmark til Hardanger tilbake i 1792, har Gravenstein etablert seg som ein av hovudsortane i Noreg. Kvifor? Fordi den har eit så mangfoldig bruksspekter. Den friske og fyldige smaka av eplesyre og aroma, med sin karakteristiske ettersmak, gjer seg nemleg godt saman med både kjøt, fisk og enda meir. Derfor er den òg ein vinnar for mange vante drikkerar av eplemost.

Sommer­red

Når den delikate og klåre fargen kombinerast med den søte og fyldige eplesmaka kjem fort kjensla av sommar krypande. Kanskje er det derfor den vart vinnar av Det Norske Måltid i 2016. Sommerred passar glimrande til skalldyr, eller som ein nydeleg aperitiff i forkant av ein god middag. Den mørkeraude eplesorten kom til Noreg frå Canada på 80-talet og kjennetegnas av å vera middels store og avlange i forma.

Idun

Denne eplesorten er gjerne gulgrøn i fargen med spekk og striper av raudt, mens eplemosten i flaska blir sjåenes ut som både lysande gul og solfrisk. Smaken gir frå seg ein sterk eplekarakter som er både fyldig og fruktig. Den passar til alle anledningar.

Eple­most

Som ein blanding av fleire eplesorter gjer denne frå seg ein rik og fleirtydig smak. Eplemosten er gyllen i farge og med ei forfriskande duft som likesom siv ut av flaska når ein fyrst tar seg den frihet å opna den leskande drikka.

Blå­bær

Innimellom den friske og lite syrlege eplesmaka kan ein med denne eplemosten kjenna smaka av deilige, skogsplukka blåbær. Denne er god som tørstedrikk, men òg som eit næringsrikt påfyll av energi etter ei hard treningsøkt.

Inge­fær og sitron

Dette er ingen ingefærshot, men snarare ei harmonisk balansert drikkevare laga av eple, ingefær og sitron. Denne gjer seg ypperleg som tørstedrikk, eller til eit særskilt og livsnytande augeblikk på terassen ein varm sommardag.

Preike­stolen

Retta mot utanlandske ganar, er dette ein eplemost som kan varta eit flott og smakseventyrleg minne for turistane. Den er laga av eit eple utan mykje syre, og er slik rund i smaka med finbalansert søtleik.

Eple og bringe­bær

I denne eplemosten kan ein meir enn berre ane smaka av bringebær. Saman samarbeidar eple og bringebæret om å gje ein godt tospalta smak av syre og sødme som forfriskar livet i kva augeblikk som helst. Dette er ein av våre favorittar.

Økologisk

Aroma

Denne er bankers, og det riktige valet for dei som ikkje har fått eplemost før. Dei vil garantert setta pris på denne middels fyldige og svært aromatiske varianten, kor søtleiken nøysamt og harmonisk balanserast med ein syrleg ettersmak. Denne kan brukast til både kjøt- og fiskerettar. Eplesorten er ei krysning av Ingrid Maria og Filippa og kom frå Sverige på 70-talet.

Disco­very

Ein engelsk eplesort kjend for å vera svært aromatisk og med utprega søtleik. Denne egnar seg best til dessertar og kaker, eller rett og slett berre som ei herleg kosedrikk. Kanskje aller helst om sommaren? Det er iallfall då me syns den passar best, med si sommarlege duft, lyse ferskenfarge og smakfulle fruktkarakter.

Karin Schneider

Denne eplemosten kjenneteiknast av å ha lite syre og ein flørtande søtleik. Dens varsomme og trippande smak er enkel å fordøya og gjer seg godt saman med lettbeinte smårettar og lunsj. Til tross for å vera av den lettare sorten er den likevel forrykande saftig.

Rubin­step

Den tsjekkiske eplesorten er både fin å smaka på og sjå på når den heng frå trea. Kanskje aller best er den likevel gjort flytande på flaske – då smakar den lite syrlig, meget rund og med eit karakteristisk, delikat eplepreg.

Sant­ana

Dette er ein ny eplesort som er meget godt egna til økologisk dyrkning. Santana er eit hausteple som veks på smak utover haust og vinter. På sitt besta blir resultatet ein særegen eplemost med ein herleg intens eplesmak. Passar seg best som tørste- og kosedrikk.

Andre produkter

Cav­alier

Tenkt som ein finjustert smakstilsetjing i mat er Cavalier et produkt av sterk og tydelig eplesmak. Prøv denne i til dømes saus eller salatdressing, eller saman med både fisk og kjøt for den saks skyld. I hovedgrunn er òg dette ein eplemost, men veldig redusert og dermed konsentrert i smaka.

Eple­gløgg

Denne er tilsatt kanel, stjerneanis og nellik, så det er ikkje vanskeleg å forstå kor denne gjer frå seg sitt fulle potensial. Det er selvfølgelig framføre ein brennande peis ein kald julekveld, gjerne med ei skive appelsin oppi for å toppa det heile. Den gjer seg imidlertid godt i andre samanhengar òg.

Musserande eplemost av Discovery

Det er ei kjensle av avslapning som meldar seg når boblene frå denne eplemosten perlande legg seg på tunga. Laga av svært aromatiske og søte epler er denne brusande leskedrikka perfekt for større anledningar, når ein vil nyta noko som smakar litt ekstra godt.

Musserande eplemost av Karin Schneider

Denne er rålekker i farge og med ein søt eplesmak utan mykje syre. Den musserande eplemosten er dyrka fram av danske epler, er særdeles saftig og er herleg lekande når boblene kiler på tunga.

Stå­pose

Denne praktiske ståposen inneheld eplesortane Aroma, Discovery, Sommerred og Hausteple.